Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 183 Hüküm no: 151 Orijinal metin no: [43b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime adlı çocuğa atanan vasî üzerine nâzır atandığı Hâkim, hâmilü hâze’l-kitâb Hasan b. Memi’yi mahmiye-i Galata tevâbi‘inden Kasımpaşa mahallâtından Tahtakadı mahallesinde sâkin iken bundan akdem vefât eden Derviş Bey nâm zevci ile müşterek kızları Rahime nâm sagīreye müteveffâ-yı mezbûr babasından irs-i şer‘le kendisine intikāl eden malların muhâfazası için kıbel-i şer‘den vasiyye? nasb edilen Revâne bt. Abdullah nâm hâtun üzerine nâzır-ı hasbî nasb etti mezbûr Hasan da nezâret-i merkūmeyi kabûl edip hizmet-i lâzımesini edâyı müte‘ahhid oldu. vasiyy-i mezbûre bu sûretle nâzır-ı merkūmun izni ve ma‘rifeti olmadan sagīre-i mezbûrenin mallarında tasarrufda bulunamayacaktır. Cerâ zâlike ve hurrire fi’l-yevmi’s-sânî ve’l-ışrîn min şehri Rebî‘ilevvel sene isneyn ve hamsîn ve elf. Fahrü’l-akrân Mehmed Kapudân b. Hasan Kapudân, Mehmed Çelebi, Mehmed Bey el-Cündî, Hasan Çelebi b. Abdullah, Mahmud b. İlyas, Receb b. Abdullah.