Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 205 Hüküm no: 174 Orijinal metin no: [50b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Çelebi adlı çocuğa amcasının vasî atandığı Hâkim, mahmiye-i Galata tevâbi‘inden Kasımpaşa mahallâtından Câmi‘-i Kebîr mahallesinde sâkin olan hâfız-ı hâze’l-kitâb fahrü’l-akrân Seyyid Mehmed Ağa b. Seyyid Ali Çelebi’yi, mahalle-i mezbûrede sâkin iken bundan akdem fevt olan karındaşı Seyyid Ali Çelebi’nin Seyyid Hasan Çelebi nâm oğluna zabt-ı ahvâli ve müteveffâ-yı mezbûr babasından irs-i şer‘le kendisine intikāl eden malların muhâfazası için evânî-i rüşd ve zamân-ı bülûğuna kadar ihtiyâcına binâen vasiyy-i hasbî nasb etti. Mezbûr Seyyid Mehmed Ağa da vesâyet-i merkūmeyi kabûl edip hizmet-i lâzımesini edâyı müte‘ahhid oldu. Cerâ zâlike ve hurrire fi’l-yevmi’s-sâdis min şehri Rebî‘ilâhir sene isneyn ve hamsîn ve elf. Şuhûdü’l-hâl: Şeyh Ali b. Mehmed, Mahmud b. Mehmed, Ali Çelebi b. Mehmed, Ahmed Efendi b. Yusuf, Halil Efendi b. Pîrî, Ramazan Efendi b. Mustafa, Ali Efendi b. Hüseyin