Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 683 Hüküm no: 881 Orijinal metin no: [105a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Mehmed Ağa b. Mustafa’nın kölesi Ali b. Abdullah’ı âzat ettiği Husûs-ı âti’l-beyânın mahallinde tahrîri iltimâs olunmağın kıbel-i şer‘-i enverden irsâl olunan mevlânâ Mehmed Efendi b. Abdülbâkī umdetü’l-emâcid ve’l-ekârim zübdetü’l-e‘âzım ve’l-efâhim el-Hâc Mehmed Ağa b. el-merhûm Mustafa’nın mahmiye-i İstanbul’da Hoşkadem mahallesinde sâkin olduğu menzile varıp zeyl-i rakīmde mektûbü’l-esâmî olan müslimîn huzûrunda akd-i meclis-i ma‘kūd-ı mezbûrda ikrâr ve takrîr-i kelâm edip bana rıkkıyyetini mu‘terif olan orta boylu, açık kaşlı, elâ gözlü Efrenciyyü’l-asl bâ‘isü’l-kitâb Ali b. Abdullah nâm abd-i memlûkümü hasbeten lillâhi’l-meliki’l-Hallâk tahrîr ve i‘tâk ve zümre-i ahrâr-ı asliyyîne idrâc ve ilhâk eyledim ba‘de’l-yevm mevsûf-ı mezbûr Ali sâir ahrâr-ı asliyyîn gibi hür olup üzerinde velâ-i şer‘îden gayrı hakkım kalmadı dedikde vâki‘ hâli mevlânâ-yı mezbûr mahallinde tahrîr ba‘dehû ma‘an irsâl olunan Mehmed b. Ramazan ile meclis-i şer‘a gelip alâ vukū‘ihî inhâ ve takrîr etmeğin mâ hüve’l-vâki‘ bi’t-taleb ketb olundu. Fi’l-yevmi’l-hâmis aşer min Ramazâni’l-mübârek li sene seb‘a ve seb‘în ve elf. Şuhûdü’l-hâl: Hekim Mehmed Efendi b. ( ), Cerrâh Bektaş Çelebi, Mehmed Çelebi 17. [bölü]k, Solak Mustafa Çelebi 13. [bölü]k, Mahcûr Osman Çelebi b. ( ), çadırcıbaşı Mehmed Beşe.