Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 221 Hüküm no: 186 Orijinal metin no: [54b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin ve Mehmed adlı çocuklara nafaka takdir edildiği Hâkim, mahmiye-i Galata tevâbi‘inden Tophâne kasabası mahallâtından Mustafa Ağa mahallesinde sâkin iken bundan akdem fevt olan Receb’in Hüseyin ve Mehmed nâm sagīreyninin nafaka, kisve ve sâir havâic-i lâzımeleri için, himâye ve terbiyesi altında bulundukları Hatice Hâtun bt. Kemal nâm annelerinin talebiyle müteveffâ-yı mezbûr babalarından irs-i şer‘le kendilerine intikāl eden mallardan alınmak üzere zeyl-i kitâbda mezkûr târihden i‘tibâren her birine beşer akçe olmak üzere yevmî râyicü’l-vakt on akçe farz ve takdîr etti. Hâkim-i mûmâ-ileyh, meblağ-ı mefrûzun sagīreyn-i merkūmeynin havâic-i lâzımelerine sarfına ve vakt-i hâcetde istidâne edip lede’z-zafer rücû‘una mezbûre Hatice Hâtun’a izin verdi. [55a] Cerâ zâlike ve hurrire fî evâili Cumâdelûlâ sene isneyn ve hamsîn ve elf. Şuhûdü’l-hâl: Hızır Efendi b. Kemal el-İmâm, el-Hâc Şükrullah b. Mehmed el-Cündî, el-Hâc Ali Bey b. Mustafa, el-Hâc Musa b. İbrahim, el-Hâc Musa, Receb b. Abdullah ve gayruhüm