Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 238 Hüküm no: 203 Orijinal metin no: [59b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Babası ölen Ali b. İsmail Beşe’ye vasî tayin edilmesi Mahmiye-i Galata’ya muttasıl Kalafatyeri demekle ma‘rûf iskelede yirmi altı arşın şayka ta‘bîr olunur sefînenin sülüsün mutasarrıf iken bundan akdem vefât eden İsmail Beşe b. Şaban nâm râcilin sulbî sagīr oğlu Ali nâm kimesneye babası müteveffâ-yı mezbûrdan alâ tarîki’l-irsi’ş-şer‘î intikāl eden emvâlini ve sâlifetü’z-zikr olan sefînenin sülüsünü hıfz ve ahvâlini zabt için bir vasî lâzım ve mühim olmağın işbu râfi‘ü’l-kitâb Osman Beşe b. Süleyman Efendi nâm kimesne vesâyete ehil olmağın kıbel-i şer‘-i şerîfden vasî nasb ve ta‘yîn olundu, ol dahi vesâyet-i mezbûreyi kabûl ve hizmet-i lâzımesin edâya ta‘ahhüd ve iltizâm eylemeğin mâ hüve’l-vâki‘ bi’t-taleb ketb ve imlâ olundu. Cerâ zâlike ve hurrire fi’l-yevmi’t-tâsi‘ min şehri Cumâdelâhire li sene isneyn ve hamsîn ve elf. Şuhûdü’l-hâl: Mehmed b. Abdullah, el-Hâc Süleyman b. Abdullah, Mehmed b. Abdullah, Mahmud b. Mehmed, Ali b. Mehmed, Abdi b. Mehmed, Ahmed Çelebi b. Hasan, Kurd Beşe b. Mustafa, el-Hâc Hamza b. Ali, Hasan b. Abdullah, Mustafa Beşe b. Ahmed.