Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 256 Hüküm no: 216 Orijinal metin no: [64a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır Dayı b. Abdullah’ın ölmeden önce kölesi Şahbaz’ı azat ettiği İşbu râfi‘atü’l-kitâb orta boylu açık kaşlı kara gözlü beyâzü’l-levn rıkkını i‘tirâf eyleyen Çerâkisiyyü’l-asl Şahbaz bt. Abdullah’dan da‘vâ-yı sahîha-i şer‘iyye ile istişhâdü’ş-şer‘î sudûrunda udûl-i ricâlden Nasuh Beşe b. Abdülmukim ve Osman b. Mustafa nâm kimesneler mahfil-i kazâda mahmiye-i Galata’ya tâbi‘ kasaba-i Kasımpaşa mahallâtından Sürûrî mahallesinde sâkin iken bundan akdem vefât eden Hızır Dayı b. Abdullah nâm müteveffânın zevce-i metrûke ve vârisesi ve muhallefâtına vâzı‘atü’l-yed olan Fâtıma bt. Ahmed mahzarında her birleri edâ-i şehâdet-i şer‘iyye edip müteveffâ-yı mezbûr Hızır Dayı bizim huzûrumuzda târih-i kitâbdan bir sene mukaddem cümle tasarrufât-ı teberru‘âtı nâfize olduğu hâlde câriye-i memlûke-i mevsûfe Şahbaz’ı hasbeten lillâhi’l-kerîm ve taleben li merzâti Rabbihi’r-rahîm mâlımdan âzâd ve mülkiyet-i rıkdan ihrâc ve hürriyete idhâl eyledim deyip kirâren ve mirâren ikrâr ve i‘tirâf eyledi biz bu husûsa bu vech üzere şâhidleriz ve edâ-i şehâdet-i şer‘iyye dahi ederiz dediklerinde gıbbe ri‘âyeti şerâiti’l-kabûl şehâdetleri hayyiz-i kabûlde vâkı‘a olmağın mezbûre Şahbaz’ın ıtkına hüküm birle mâ vaka‘a bi’t-taleb ketb olundu. Tahrîren fi’l-yevmi’l-hâmis ve’l-ışrîn min şehri Recebi’l-mürecceb li sene isneyn ve hamsîn ve elf. Şuhûdü’l-hâl: Fahrü’l-a‘yân İbrahim Kapudân [b.] Ahmed Kapudân, Osman Beşe b. Hızır, Ali b. Hüseyin, Mehmed b. Abdullah, Mahmud b. İlyas.