Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 257 Hüküm no: 217 Orijinal metin no: [64a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır Dayı b. Abdullah’ın ölmeden önce kölesi Kaytas’ı azat etmiş olduğu İşbu râfi‘atü’l-kitâb orta boylu açık kaşlı gök gözlü sarışın rıkkını i‘tirâf eyleyen Rûsiyyü’l-asl Kaytas b. Abdullah’dan da‘vâ-yı sahîha-i şer‘iyye ile istişhâdü’ş-şer‘î sudûrunda udûl-i ricâlden Nasuh Beşe b. Abdülmukim ve Osman b. Mustafa nâm kimesneler mahfil-i kazâda mahmiye-i Galata’ya tâbi‘ kasaba-i Kasımpaşa mahallâtından Sürûrî mahallesinde sâkin iken bundan akdem vefât eden Hızır Dayı b. Abdullah nâm müteveffânın zevce-i metrûke ve vârisesi ve muhallefâtına vâzı‘atü’l-yed olan Fâtıma bt. Ahmed nâm hâtun mahzarında her birleri edâ-i şehâdet-i şer‘iyye edip müteveffâ-yı mezbûr Hızır Dayı bizim huzûrumuzda târih-i kitâbdan bir sene mukaddem cümle tasarrufât ve teberru‘âtı nâfize olduğu hâlde abd-i memlûke-i mevsûf [64b] Kaytas’ı hasbeten lillâhi’l-kerîm ve taleben li merzâti Rabbihi’l-kerîm mâlımdan âzâd ve mülkiyet-i rıkdan ihrâc ve hürriyete idhâl eyledim deyip kirâren ve mirâren ikrâr ve i‘tirâf eyledi biz bu husûsa bu vech üzere şâhidleriz şehâdet dahi ederiz deyû edâ-i şehâdet-i şer‘iyye eylediklerinde gıbbe ri‘âyeti şerâiti’l-kabûl şehâdetleri hayyiz-i kabûlde vâkı‘a olmağın mezbûr Kaytas’ın ıtkına hüküm birle mâ vaka‘a bi’t-taleb ketb olundu. Tahrîren fi’l-hâmis ve’l-ışrîn min şehri Recebi’l-mürecceb li sene isneyn ve hamsîn ve elf. Şuhûdü’l-hâl: Es-Sâbikūn.