Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 266 Hüküm no: 226 Orijinal metin no: [66b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan ve Fâtıma adlı çocuklara anneleri Sâime’nin vasî atandığı Hâkim, mahmiye-i Galata tevâbi‘inden Tophâne mahallâtından Firuz Ağa mahallesinde sâkine olan Sâime Hâtun bt. Süleyman’ı, mahalle-i mezbûrede sâkin iken bundan akdem fevt olan zevci Mehmed Çelebi b. el-Hâc Ramazan ile müşterek çocukları Ramazan ve Fâtıma nâm sagīreyne hıfz-ı ahvâlleri ve müteveffâ-yı mezbûr babalarından irs-i şer‘le kendilerine intikāl eden malların muhâfazası için evânî-i rüşd ve zamân-ı bülûğlarına kadar ihtiyâclarına binâen vasiyy-i hasbî nasb etti. Mezbûre Sâime Hâtun da vesâyet-i merkūmeyi kabûl edip hizmet-i lâzımesini edâyı ta‘ahhüd etti. Cerâ zâlike ve hurrire fi’l-yevmi’s-sâdis min Şa‘bâni’l-mu‘azzam sene isneyn ve hamsîn ve elf. Şuhûdü’l-hâl: Umdetü’l-a‘yân Cafer Ağa b. Süleyman, Mustafa Çelebi b. Mehmed el-İmâm, fahrü’l-akrân Hasan Ağa [b.] Bayezid el-Cündî, fahrü’l-akrân Ali Bey b. Süleyman el-Cündî, Mehmed Bey b. Süleyman, fahrü’l-akrân Receb Ağa b. Ahmed el-Cündî, Mahmud b. İlyas