Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 303 Hüküm no: 261 Orijinal metin no: [75a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gevherhan adlı çocuğa nafaka takdir edildiği Hâkim, dâhil-i mahmiye-i Galata mahallâtından Şehsuvar mahallesinde sâkin iken bundan akdem fevt olan Ahmed Beşe’nin Gevherhan nâm sagīre kızının nafakası, kisvesi ve sâir havâic-i lâzımesi için, himâye ve terbiyesi altında bulunduğu hâmiletü hâze’l-kitâb Fâtıma Hâtun bt. Osman nâm annesinin talebiyle müteveffâ-yı mezbûr babasından irs-i şer‘le kendisine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt on iki akçe farz ve takdîr etti. Hâkim-i mûmâ-ileyh sonra meblağ-ı mefrûz-ı mezkûrun sagīre-i merkūmenin havâicine sarfına ve vakt-i hâcetde istidâne edip lede’z-zafer rücû‘una mezbûre Fâtıma Hâtun’a izin verdi. Cerâ zâlike ve hurrire fî gurreti Rebî‘ilevvel sene selâse ve hamsîn ve elf. Şuhûdü’l-hâl: Fahrü’l-kuzât Ramazan Efendi b. Mustafa, el-Hâc Rıdvan b. Abdullah, Mustafa Çelebi b. ( ), fahrü’l-eimme Ali b. Hasan