Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 350 Hüküm no: 303 Orijinal metin no: [85b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed, Mustafa, Sâime ve Emine adlı çocuklara nafaka takdir edildiği Hâkim, bundan akdem vefât eden Mehmed Çelebi b. Muhyiddin’in Mehmed, Mustafa, Sâime ve Emine nâm evlâd-ı sıgārının nafaka, kisve ve sâir havâic-i lâzımeleri için, himâye ve terbiyesi altında bulundukları hâmiletü hâze’l-kitâb Fâtıma Hâtun bt. Abdullah nâm annesinin talebiyle mahmiye-i Galata tevâbi‘inden Yolcuoğlu mahallesinde sâkin bundan akdem fevt olan müteveffâ-yı mezbûr babalarından irs-i şer‘le kendilerine intikāl eden mallardan alınmak üzere zeyl-i kitâbda mezkûr târihden i‘tibâren her birine yevmî râyicü’l-vakt beş akçe farz ve takdîr etti. Hâkim-i mûmâ-ileyh, meblağ-ı mefrûz-ı mezbûrun sıgār-ı merkūmînin havâicine sarf edilmesine ve vakt-i hâcetde istidâne edip vakt-i zaferde rücû‘ etmesine mezbûre Fâtıma Hâtun’a izin verdi. Cerâ zâlike ve hurrire fi’l-yevmi’s-sânî ve’l-ışrîn min Muharremi’l-harâm sene isneyn ve hamsîn ve elf. Şuhûdü’l-hâl: Fahrü’l-kuzât Receb Efendi b. İsmail, Halil Efendi b. Pîr Veli, Mehmed Çelebi b. Ramazan, Mahmud b. İlyas, Hasan Çelebi b. Abdullah