Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 58 Hüküm no: 15 Orijinal metin no: [2b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muharrem b. Abdullah’ın Ahmed Beşe’ye olan borcunu ödemesi Uncu tâifesinden bâ‘isü hâzihi’l-kitâb Ahmed Beşe b. Abdullah mahfil-i kazâda Muharrem b. Abdullah mahzarında üzerine da‘vâ ve takrîr-i kelâm edip mezbûr Muharrem zimmetinde yedimden müşterâ ve makbûzu beynimizde keyli ma‘lûm un bahâsından ba‘de külli hesâb iki bin sekiz yüz akçe hakkım olup taleb eylediğimde edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Muharrem cevâbında fi’l-vâki‘ müdde‘î-i mezbûrun yedinden iştirâ ve kabz eylediğim keyli beynimizde ma‘lûm dakīk semeninden ba‘de külli hesâb zimmetimde mezbûre iki bin sekiz yüz akçe vâcibü’l-edâ ve lâzımü’l-kazâ deynim vardır deyû bi tav‘ihî ikrâr ve i‘tirâf etmeğin alâ mûcebi ikrârihî meblağ-ı mezbûru müdde‘î-i mersûme edâ ve teslîme merkūm Muharrem’e tenbîh birle mâ vaka‘a ketb olundu. Fi’l-yevmi’s-sâlis ve’l-ışrîn min Recebi’l-ferd li sene selâse ve seb‘în ve elf Şuhûdü’l-hâl: Mustafa Çelebi b. Receb, Ahmed Yazıcı b. Mehmed, el-Hâc Cafer b. Yakub, Âbid b. Mustafa ve gayruhüm