Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 147 Hüküm no: 148 Orijinal metin no: [19b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sefer b. Musli’nin İsmihan Hâtun bt. Mustafa’dan alacak davasının meşru olmaması Levend tâifesinden Sefer b. Musli nâm kimesne mahfil-i kazâda râfi‘atü hâze’l-vesîka İsmihan Hâtun bt. Mustafa mahzarında üzerine da‘vâ ve takrîr-i kelâm edip bundan akdem mezbûre İsmihan Hâtun’un medyûnesi olup gāibe ani’l-meclis Fâtıma nâm hâtuna bin iki yüz akçe ikrâz ve teslîm ol dahi vech-i mübeyyen üzre yedinden istikrâz ve kabz eyledikden sonra mezbûre Fâtıma Hâtun’a meblağ-ı mezbûr deyni mukābelesinde mezbûre İsmihan Hâtun’a def‘ ve teslîm eylemişidi el-hâletü hâzihî meblağ-ı mezbûru mezbûre İsmihan’dan taleb ederim suâl olunsun dedikde müdde‘î-i merkūm Sefer’in vech-i muharrer üzre olan da‘vâsı meşrû‘a olmamağla mezbûre İsmihan Hâtun’a suâl dahi tevcîh etmemeğin müdde‘î-i merkūm bî-vech ta‘arruzdan men‘-i birle mâ hüve’l-vâki‘ bi’t-taleb ketb olundu. Hurrire fi’l-yevmi’s-sâlis ve’l-ışrîn li sene selâse ve seb‘în ve elf Şuhûdü’l-hâl: Mustafa b. Receb, Hüseyin b. Mirza, Ahmed Yazıcı b. Mehmed, Eyüb Ağa b. Ahmed, el-Hâc Sefer b. Musli.