Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 180 Hüküm no: 199 Orijinal metin no: [26b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Beşe b. Ali’nin Büyük Maltepe’deki bağını Covar b. Nikola’ya satması Mahmiye-i Galata’da Câmi‘-i Kebîr mahallesinde sâkine Mustafa Beşe b. Ali nâm kimesne meclis-i şer‘-i hatîr-i lâzımü’t-tevkīrde işbu bâ‘isü’s-sifr Covar v. Nikola nâm zimmî muvâcehesinde ikrâr ve takrîr-i kelâm edip silk-i mülkümde münselik olup medîne-i Üsküdar’a tâbi‘ Büyük Maltepe nâm karyede vâki‘ bir tarafdan Musli Kapudân bostanı ve bir tarafdan Maldersa nâm zimmî bağı ve iki tarafdan tarîk-i âmme ile mahdûd sekiz dönüm bir kıt‘a mülk bağı mezbûr Covar’a tarafeynden îcâb ve kabûlü hâvî bey‘-i bâtt-ı sahîh-i şer‘î ile on sekiz bin fıddî râyic fi’l-vakt [akçeye] bey‘-i bât ve teslîm ol dahi vech-i muharrer üzre iştirâ ve tesellüm ve kabûl eyledikden sonra semeni olan meblağ-ı mezbûr on sekiz bin akçeyi mezbûr Covar yedinden bi’t-tamâm ve’l-kemâl ahz ü kabz edip ba‘de’l-yevm zikr olunan bağ mezbûrun mülk-i müşterâsıdır keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî aşer min Şevvâli’l-mükerrem li sene selâse ve seb‘în ve elf Şuhûdü’l-hâl: Ali b. Abdullah, Ahmed b. Abdullah, Mustafa b. Abdullah, Mehmed b. Murad, Receb b. Abdullah, Zülfikār b. İbrahim, Musa Beşe b. Hüseyin.