Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 278 Hüküm no: 345 Orijinal metin no: [48a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ağya v. Yoros’un Asvador v. Toros’a borcu olduğunun ikrarı Ekmekçi tâifesinden Ağya v. Yoros nâm Ermeni meclis-i şer‘-i hatîr-i lâzımü’t-tevkīrde yine tâife-i mezbûreden işbu hâmilü’s-sifr Asvador v. Toros nâm Ermeni muvâcehesinde ikrâr ve takrîr-i kelâm edip bundan akdem mezbûr Asvador gāib ani’l-meclis Habyat nâm Ermeni’ye ekmek semeninden zimmetimde deynim olan beş bin üç yüz akçeye emrim ile kefîl olup meblağ-ı mezbûru kefâleten gāib-i mezbûra edâ ve teslîm eylediği cihetden beş bin üç yüz akçe ve cihet-i deyn-i şer‘îden dahi beş bin yedi yüz akçe ki cem‘an on bir bin akçe mezbûr Asvador’a zimmetimde lâzımü’l-edâ ve vâcibü’l-kazâ deynim vardır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Zilka‘deti’ş-şerîfe li sene selâse ve seb‘în ve elf. Şuhûdü’l-hâl: Mustafa Efendi b. Mehmed, Mustafa Bey b. Abdullah, Mustafa Çelebi b. Receb, Ahmed Yazıcı b. Mehmed ve gayruhüm.