Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 297 Hüküm no: 368 Orijinal metin no: [53b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Nasuh evini Kara Yazıcı evkâfına bey‘ bi’l-istiğlâl yoluyla satması Mahmiye-i Galata müzâfâtından kasaba-i Kasımpaşa’da Bedreddin Bey mahallesinde sâkin Ahmed Beşe b. Nasuh nâm kimesne meclis-i şer‘-i hatîr-i lâzımü’t-tevkīrde kasaba-i Tophâne’de İlyas Çelebi mahallesinde vâki‘ Kara Yazıcı evkāfı’na mütevellî olan işbu râfi‘ü’l-kitâb Yahya Çelebi b. Ramazan nâm kimesne mahzarında ikrâr ve takrîr-i kelâm edip mârrü’z-zikr Bedreddin Bey mahallesinde vâki‘ bir tarafdan Havva Hâtun mülkü ve bir tarafdan Halil Beşe mülkü ve bir tarafdan Mustafa Beşe mülkü ve bir tarafdan mekābir-i müslimîn ile mahdûd ve bir bâb fevkānî odaya ve sofa ve tahta-pûş ve bir bâb tahtânî odayı müştemil mülk menzilimi mâl-ı vakf-ı mezbûr ile mütevellî-i merkūm Yahya Çelebi’ye sekiz dirhem seksen kıt‘a riyâlî guruş ile bi tarîki’l-istiğlâl bey‘ ve teslîm ol dahi vech-i muharrer üzre iştirâ ve tesellüm edip semeni olan meblağ-ı mezbûr seksen kıt‘a riyâlî guruşu yedinden tamâmen ahz ü kabz eylediğimden sonra mütevellî-i mezbûr menzil-i mahdûd-ı mezkûru ba‘de’t-tahliyye ve’t-tekābuz târih-i kitâbdan bir sene tamâmına değin sekiz kıt‘a riyâlî guruş ücret ile bana îcâr ve teslîm edip ben dahi vech-i muharrer üzre istîcâr ve kabûl eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî ve’l-ışrîn min Zilka‘deti’ş-şerîfe li sene selâse ve seb‘în ve elf. Şuhûdü’l-hâl: Mehmed b. Şaban, Süleyman b. Derviş, Mehmed Beşe b. Ser-kalafâtî, Halil Beşe b. Mustafa, İbrahim b. ( ), Ramazan b. Sefer.