Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 305 Hüküm no: 379 Orijinal metin no: [56a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Kapudân’ın kölesi Hasan’ı mükâtebe yoluyla azat etmesi Mahmiye-i Galata dâhilinde vâki‘ el-Hâc A‘mâ mahallesinde sâkin fahrü’l-akrân Mustafa Kapudân b. el-merhûm Ulvan Kapudân meclis-i şer‘-i hatîr-i lâzımü’t-tevkīrde mukaddemâ kendiye rıkkını mu‘terif olan işbu açık kaşlı gök gözlü, uzun boylu Rusiyyü’l-asl râfi‘u hâze’l-kitâb Hasan b. Abdullah nâm gulâm mahzarında ikrâr ve takrîr-i kelâm edip bundan akdem mevsûf-ı mezbûr Hasan’ı bana yirmi altı bin beş yüz akçe bedel vermek üzre kitâbete kat‘ edip ol dahi kitâbet-i mezbûreyi kabûl etmişidi el-hâletü hâzihî bedel-i kitâbet olan meblağ-ı mezbûr yirmi altı bin beş yüz akçeyi mezbûrun yedinden bi’t-tamâm ve’l-kemâl ahz ü kabz eyledim ba‘de’l-yevm mevsûf-ı mezbûr Hasan sâir ahrâr-ı asliyyîn gibi hür olup üzerinde hakk-ı velâdan gayrı hakkım bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis ve’l-ışrîn min Zilka‘deti’ş-şerîfe li sene selâse ve seb‘în ve elf. Şuhûdü’l-hâl: Umdetü’l-müderrisîn Hasan Efendi b. Mustafa Efendi, Abdülkādir Çelebi b. el-Hâc İsa, Mehmed Çelebi b. Ahmed Bey el-Yesârî, Ahmed Bey b. Kasım Paşa, Hasan Beşe b. Yusuf.