Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 66 Hüküm no: 27 Orijinal metin no: [5a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uncu Kara Mihal’in kölesini tedbiren azat ettiği Uncu tâifesinden Kara Mihal v. Hristo nâm zimmî makām-ı kazâda açık kaşlı, elâ gözlü, uzun boylu, Rusiyyü’l-asl Yuvan v. Bahto nâm abd-i memlûkü muvâcehesinde ikrâr edip memlûküm mevsûf-ı mezbûru bilâ-ibâk ve lâ-hıyâne hizmet etmek üzere mevtimden kırk gün mukaddem âzâd olmak üzere tedbîr-i mukayyed ile tedbîr eyledim ben helâk olup müddet-i mezbûre mevcûd oldukda mevsûf-ı mezbûr cemî‘-i mâlımdan âzâd olsun dedikde gıbbe’t-tasdîk bi’t-taleb mâ-vaka‘a bi’t-taleb ketb olundu. Tahrîren fi-gurrei Şa‘bâni’l-mu‘azzam li-sene selâse ve sittin ve elf. Ali Beşe b. Abdullah, Receb Beşe b. Abdullah, Ahmed Beşe b. Abdullah, Ali Beşe b. Seydî, Mehmed Çelebi b. Mahmud, Mustafa b. Mehmed, Mehmed b. Mustafa ve gayruhum.