Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 369 Hüküm no: 484 Orijinal metin no: [73a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meyhaneci Panayot v. Dimo’nun, ortağı Mihal v. Yorgi’deki alacağını tahsil ettiği Mahmiye-i Galata’da meyhâneci tâifesinden Panayot v. Dimo nâm zimmî mahfil-i kazâda tâife-i mezbûreden işbu râfi‘ü’l-kitâb Mihal v. Yorgi nâm zimmî muvâcehesinde ikrâr ve takrîr-i kelâm edip mezbûr Mihal ile bundan akdem meyhânecilikde şerîkler olup hâlâ fesh-i akd-i şirket etmekle asl-ı mâl ve iki senede hâsıl olan fâideden ba‘de külli hesâb mezbûr Mihal’in zimmetinde on bin akçe hakkım zuhûr etmekle meblağ-ı mezbûru mersûm Mihal’in yedinden bi’t-tamâm ve’l-kemâl ahz ü kabz eyledim min ba‘d meblağ-ı mezbûrdan mezbûrun zimmetinde bir akçe hakkım ve bir habbe hakkım kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’t-târih-i mezbûr. Şuhûdü’l-hâl: Mustafa b. Receb, Ahmed Yazıcı b. Mehmed, Hamza b. Abdülganî, Hüseyin b. Mirza, el-Hâc Ramazan b. Mehmed.