Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 405 Hüküm no: 544 Orijinal metin no: [81b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülistan b. Abdullah’ın bazı ev eşyalarını Ahmed b. Ali’ye hibe ettiği Mahmiye-i Galata müzâfâtından İstinye’ye tâbi‘-i Yeniköy nâm karye sâkinelerinden Gülistan bt. Abdullah nâm hâtun meclis-i şer‘-i hatîr-i lâzımü’t-tevkīrde işbu râfi‘ü’l-kitâb Ahmed b. Ali nâm kimesne mahzarında bi’t-tav‘i’s-sâf ikrâr ve i‘tirâf edip silk-i mülkümde münselik olan eşyâmdan bir yeşil atlas kaftan ve döşek ve bir yorgan ve bir tencere ve bir tâbe ve iki yemeni yastık ve bir minderimi mezbûr Ahmed’e hibe-i sahîha-i şer‘iyye ile hibe ve teslîm ve temlîk, ol dahi vech-i muharrer üzre meclis-i hibede kabz ve kabûl ve ittihâb ve temellük eyledi ba‘de’l-yevm eşyâ-i mezkûre mezbûr Ahmed’in mülk-i mevhûbu olup benim aslâ eşyâ-i mezkûrede alâka ve medhalim kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin aşer mine’l-Muharremi’l-harâm li sene erba‘a ve seb‘în ve elf. Şuhûdü’l-hâl: Hüseyin Beşe b. Süleyman, Mustafa b. Receb, Zülfikār b. İbrahim, Ahmed Yazıcı b. Mehmed, Siyavuş b. Abdullah.