Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 406 Hüküm no: 545 Orijinal metin no: [81b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muharrem b. Ali’nin kira bedelinden dolayı alacak iddiasında bulunduğu Preşkova v. Yorgi ile sulh olduğu Mahrûsa-i Galata’ya tâbi‘ kasaba-i Kasımpaşa’da el-Hâc Ahmed mahallesinde sâkin el-Hâc Muharrem b. Ali nâm kimesne mahfil-i kazâda meyhâneci tâifesinden işbu hâmilü’s-sifr Preşkova v. Yorgi nâm zimmî muvâcehesinde ikrâr ve takrîr-i kelâm edip mülküm olup kasaba-i mezbûrede debbâğhâne kurbunda vâki‘ lede’l-ahâlî ve’l-cîrân ma‘lûmü’l-hudûd koltuk ta‘bîr olunur meyhânemi merkūm Preşkova’ya beher mâh dörder yüz ellişer akçeye îcâr ol dahi vech-i muharrer üzre istîcâr ve kabûl eyledikden sonra bir senede müctemi‘ olan iki bin dört yüz akçenin zikr olunan meyhânenin meremmâtına kendi malımdan harc [u] sarf eylediğim dokuz yüz akçeden mâ‘adâ bin beş yüz akçe dahi sana edâ ve teslîm eyledim deyû ikrâr, dörder yüz akçeden ziyâdeye istîcâr eylediği altı ay ziyâde istîcârını dahi inkâr etmekle beynimizde münâza‘ât-ı kesîre vâkı‘a olmuşidi el-hâletü hâzihî beynimize muslihûn tavassut edip da‘vâ-yı mezkûrumdan merkūm Preşkova beni iki bin dört yüz akçe bedel üzerine sulh eyledikde ben dahi sulh-i mezbûru kabûl ve bedel-i sulh olan meblağ-ı mezbûrun dokuz yüz akçesi zikr olunan meyhânenin meremmetine harc olunan dokuz yüz akçeye takās olunup ol dahi mukāssa ve kabûl eyledikden sonra meblağ-ı bâkī ( )