Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 66 Hüküm no: 4 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Kapudan’ın, merhum Hasan Kapudanzâde’deki alacağını varislerden talep ettiği İşbu râfi‘üˈl-kitâb Mehmed Kapudan b. Yusuf meclis-i şer‘-i hatîrde merhûm Hasan Kapudanzâde demekle ma‘rûf Mustafa Kapudan nâm müteveffânın evlâd-ı sıgārına cânib-i şer‘den mansûb vasîleri olan Himmet Efendi b. Hâbil mahzarında üzerine da‘vâ ve takrîr-i kelâm edip müteveffâ-yı mezbûr zimmetinde cihet-i karz-ı şer‘îden altmış kıt‘a esedî guruş hakkım olup kableˈl-edâ fevt olmağla hâlâ taleb ederim suâl olunsun dedikde gıbbeˈs-suâl veˈl-inkâr ve isre-talebiˈl-beyyine udûl-ı Müslimînˈden olup tersâne-i âmire ahâlîsinden Bayram b. Abdullah ve Hasan b. Osman nâm kimesneler li-ecliˈş-şehâde meclis-i şer‘a hâzırân olup istişhâd olunduklarında fiˈl-hakīka müdde‘î-i mezbûr Mehmed Kapudanˈın cihet-i karz-ı şerî‘den müteveffâ-yı mezkûr Hasan Kapudanzâde Mustafa Kapudan zimmetinde altmış kıt‘a esedî guruş hakkı vardır biz bu husûsa şâhidleriz şehâdet dahi ederiz deyü her biri edâ-i şehâdet-i şer‘iye eylediklerinde gıbbeˈt-tasdîkiˈt-tahlîfiˈş-şer‘î biˈt-taleb ketb olundu. Fî-evâsıt-ı şehr-i Zilhiccetiˈş-şerîfe li-sene selâse ve semânîn ve elf. Şuhûdüˈl-hâl: İsa Bey b. Halil, Hüseyin b. Ali, Ömer Efendi b. Ali, Ahmed b. Abdullah