Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 734 Hüküm no: 949 Orijinal metin no: [113a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Abdullah’ın, kocası Abdülkerim b. Mirza’ya sattığı eşyaların bedelini tahsil ettiği Mahmiye-i İstanbul’da Küçük Ayasofya mahallesinde sâkine Âişe bt. Abdullah nâm hâtun tarafından husûs-ı âtîye vekîl olduğu zât-ı mezbûreyi ma‘rifet-i şer‘iyye ile ârifân olan Mehmed Beşe b. Abdülkerim ve diğer Mehmed b. Kemal nâm kimesneler şehâdetleri ile şer‘an sâbit olan Veli Bey b. Mahmud meclis-i şer‘de müvekkile-i mezbûrenin zevci bâ‘isü’l-kitâb Abdülkerim b. Mirza nâm kimesne mahzarında bi’l-vekâle ikrâr ve takrîr-i kelâm edip müvekkile-i mezbûrenin zevci merkūm Abdülkerim zimmetinde mütekarrir ve ma‘kūdun-aleyh olan üç [bin] akçe mehr-i müeccelim olmağın hâlâ meblağ-ı mezbûrun iki bin yedi yüz akçesini yedinden ahz u kabz eylediğinden sonra müvekkile-i mezbûre eşyâ-i memlûkesi olan dört beledî yastık ve iki minder ve bir beledî döşek ve dört sahan ve iki tenceresini zevci merkūm Abdülkerim’e safka-i vâhide ile bin akçeye bey‘ ve teslîm ol dahi vech-i meşrûh üzre iştirâ ve tesellüm ve kabûl eyledikden sonra semeni olan meblağ-ı mezbûr bin akçeden [113b] mezbûr Abdülkerim’in zimmetini ibrâ ve iskāt eyledi dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’l-hâmis ve’l-ışrîn min şehri Ramazâni’l-mübârek li sene seb‘a ve seb‘în ve elf Şuhûdü’l-hâl: Es-Sâbikūn.