Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 70 Hüküm no: 8 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhume Sâliha bt. Abdullah’ın küçük çocukları için Ahmed Ağa’nın vasî tayin edildiği Mahrûse-i Galata a‘mâlinden kasaba-i Beşiktaşˈda Cihannümâ mahallesinde sâkine iken fevt olan Sâliha bt. Abdullah nâm hatunun sadrî oğlu Mehmed ve sadriye kızı Âişe nâm sagīr ve sagīrelerin tesviye-i emirlerine vasî dahi lâ-büd olduğunu zeyl-i sahîfede esâmîsi mastûr olan Müslimîn ihbâr etmeleriyle hâkim-i muvakki‘-i kitâb sagīrân-ı mezbûrânın mâllarını hıfz ve hallerini zabt içün râfi‘üˈl-kitâb fahrüˈl-akrân Ahmed Ağaˈyı vasî nasb ü ta‘yîn eyledikde ol dahi kabûl ve hizmetini edâya ta‘ahhüd etmeğin mâ vaka‘a biˈt-taleb ketb olundu. Fiˈl-hâmis-i aşer min-Zilhicce sene [10]83. Şuhûdüˈl-hâl: Cafer Bey b. Şa‘bân, Ebûbekir Bey b. Murad, İbrahim Bey b. Ali, Salih Efendi