Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 77 Hüküm no: 12 Orijinal metin no: [3b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Ali ve Emetullah adlı çocuklara vasî nasb ettiği Mahrûse-i Galata muzâfâtından kasaba-i Kasımpaşaˈda Câmi‘-i kebîr mahallesinde sâkin iken bundan akdem fevt olan Mehmed Bey’in Ali ve Emetullah nâm sagīreyninin tesviye-i emirlerine vasî lâzım olmağın hâkim-i muvakkı‘-ı kitâb, sagīreyn-i mezbûreynin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin hâmiletü hâze’l-kitâb Âişe bt. İslam nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fî-gurreti Zilhicceti’ş-şerîfe li-sene selâs ve semânîn ve elf. Şuhûdü’l-hâl: Mehmed Çelebi b. Davud, İbrahim Çelebi b. Hüseyin, Mehmed Çelebi b. Mustafa, Hasan Beşe b. Abdullah, el-Hâc İbrahim b. Ramazan, Ali Beşe b. Hasan