Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 78 Hüküm no: 14 Orijinal metin no: [4a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Abdullah ve Ahmed adlı çocuklara nafaka takdir ettiği Rumeli vilâyetinde vâki‘ Bakkāl Leh İsmail mahallesinde sâkin iken bundan akdem fevt olan tâcir ( )’in Abdullah ve Ahmed nâm sagīreynine müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını kıbel-i şer‘den mansûb vasîleri bâ‘isüˈl-vesîka el-Hâc Receb b. Sinan taleb etmeğin hâkim-i askerî el-muvakkı‘ a‘lâhü el-mütevakkı‘ rızâi rabbihî ve mevlâhu dahi sagīreyn-i mezbûreynin her birine nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt sekiz akçe, cem‘an on altı akçe farz ve takdîr edip meblağ-ı mefrûzu sagīreyn-i mezkûreynin havâicine sarfa ve vakt-i zarûretde istidâne ve hîn-i zaferde rücû‘a mezkûr vasî el-Hâc Receb’e izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâlis aşere min-şehri Zilhicceti’ş-şerîfe li-sene selâs ve semânîn ve elf. Şuhûdü’l-hâl: Fahrü’l-kuzât Ali Efendi, el-Hâc Mustafa b. İbrahim, İsmail Çelebi b. Mahmud, Abdülbaki Çelebi b. Rasûl, el-Hâc İsmail b. el-Hâc Rıdvan, el-Hâc Musa el-hallâc, Turmuş Reis b. Bâyezid, Hacı Turmuş b. Sinan, el-Hâc Mehmed b. Hacı Ali, İsa Bey muhzırbaşı, Hüseyin b. Ali