Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 83 Hüküm no: 21 Orijinal metin no: [5a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin anneleri ölen Mehmed ve Mustafa adlı çocuklara vasî atadığı Dâhil-i mahmiye-i Galata mahallâtından Bereketzâde mahallesinde sâkine iken bundan akdem vefât eden Âişe bt. Yusuf’un Mehmed ve Mustafa veledey Bayram Beşe nâm sagīreyninin tesviye-i umûruna vasî lâzım olmağın hâkim-i muvakkı‘-ı hâze’l-kitâb, sagīreyn-i mezbûreynin müteveffât-ı mezbûre analarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin babaları hâmil-i hâze’l-kitâb Bayram Beşe b. Habib nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâbi‘ aşere mine’l-Muharremi’l-harâm li-sene erba‘a ve semânîn ve elf. Şuhûdü’l-hâl: Mehmed Efendi b. Ahmed Efendi el-imâm, Hâfız Mustafa Çelebi b. Mehmed, Halil Çelebi b. Yusuf, Mehmed b. Yusuf