Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 83 Hüküm no: 22 Orijinal metin no: [5a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin dört kız çocuğuna nafaka takdir ettiği Medîne-i Hazret-i Ebâ Eyyûb el-Ensârî mahallâtından Baba Haydar mahallesinde sâkin iken bundan akdem fevt olan Ahmed Ağa’nın Rahime, Emetullah, Emine ve Hadîce nâm benât-ı sıgārâtına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını sıgārât-ı merkūmâtın anası ve hâdinesi râfi‘atüˈl-kitâb Fâtıma bt. Halil taleb etmeğin, hâkim-i muvakk‘ı-ısadr-ı kitâb dahi sagīreyn-i mezbûreynin her birine nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt dört akçe farz ve takdîr edip vakt-i zarûretde istidâne ve hîn-i zaferde rücû‘a mezkûre Fâtıma hatuna izin birle mâ-vaka‘a biˈt-taleb ketb olundu. Cerâ zâlike ve hurrire fî-gurreti Zilhicceti’ş-şerîfe li-sene erba‘a ve semânîn ve elf. Şuhûdü’l-hâl: Mehmed Efendi b. Ömer, Es‘ad Efendi b. Mesud, Emrullah Çelebi b. Cafer, Mehmed b. Hasan solak