Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 98 Hüküm no: 36 Orijinal metin no: [8a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin annesi ölen Ayşe adlı küçüğe babasını vasî atadığı Mahmiye-i Galata muzâfâtından Tophâne mahallâtından Ebulfazl mahallesinde sâkine iken bundan akdem vefât eden Fâtıma bt. el-Hâc Mehmed’in Âişe bt. Cafer Bey nâm sagīre kızının tesviye-i umûruna vasî lâzım olmağın, hâkim-i muvakkı‘-ı hâze’l-kitâb, sagīre-i mezbûrenin müteveffât-ı mezbûre anasından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin babası hâmil-i hâze’l-kitâb Cafer Bey b. Ahmed nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-âşir mine’l-Muharremi’l-harâm li-sene erba‘a ve semânîn ve elf. Şuhûdü’l-hâl: Mehmed Bey b. Memi, Mustafa Çelebi b. Ahmed, Osman b. Şaban, Ahmed b. Osman