Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 111 Hüküm no: 44 Orijinal metin no: [9b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin üç küçüğe vasî atadığı Hazret-i Ebâ Eyyûbi’l-Ensârî aleyhi rahmeti’l-Bârî mahallâtından Nâzperver mahallesinde sâkin iken bundan akdem vefât eden merhûm Mehmed b. Abdülkerim’in İbrahim, Hadîce ve Havva nâm evlâd-ı sıgārının tesviye-i umûruna vasî lâzım olmağın, hâkim-i muvakkı‘-ı hâze’l-kitâb, sıgār-ı mezbûrînin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin râfi‘-i hâze’l-kitâb Ahmed Çelebi b. Mahmud nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fî-evâili şehri Muharremi’l-harâm li-sene erba‘a ve semânîn ve elf. Şuhûdü’l-hâl: Ömer Efendi b. İvaz, Ahmed b. Mustafa, Yusuf b. Ali, Kaytas b. Abdullah, Ramazan Beşe b. Kâmil, es-Seyyid Abdullah b. Halil, Ali b. Halil, İbrahim b. Mustafa, Hacı İbrahim b. Mehmed, Hüseyin b. Ali, İsa Bey b. Halil, Hacı Mustafa b. Abdullah