Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 112 Hüküm no: 45 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Suyolcu Mehmet’in varislerine vasî tayin edilen Ömer Çelebi’nin üzerine Ali b. Yunus Ağa’nın nâzır tayin edildiği Hazret-i Ebâ Eyyûbeˈl-Ensârî mahallâtından Nazperver mahallesi sükkânından olup mukaddemâ vefât eden merhûm Suyolcu Mehmed b. Abdülkerimˈin evlâd-ı sıgārı İbrahim ve Hadîce ve Havvaˈnın kıbel-i şerî‘at-i garrâdan mansûb vasîleri olan Ömer Çelebi b. Mahmudˈun üzerine bir nâzır nasb olunmak mühim olmağın sahib-i hâzeˈl-kitâb fahrüˈl-a‘yân Ali b. Yunus Ağaˈyı hâkim-i muvakki‘-i sadr-ı kitâbtûbâ-lehû ve hüsnü-meâb dahi vasî-i mezbûr Ömer Çelebi üzerine nâzır nasb ve ta‘yîn anlar dahi nezâret-i mezkûreyi kabûl ve merâsimini edâya ta‘ahhüd ve iltizâm etmeğin mâ vaka‘a biˈt-taleb ketb olundu. Fî-evâil-i şehr-i Muharremiˈl-harâm li-sene 1083. Şuhûdüˈl-hâl: Mâ-sebak