Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 159 Hüküm no: 75 Orijinal metin no: [18a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Abdullah ve Rukiye adlı çocuklara vasî atadığı Hazret-i Ebâ Eyyûbi’l-Ensârî mahallâtından Kiremidci Süleyman mahallesinde sâkine iken bundan akdem vefât eden Emine bt. Ahmed nâm hatunun Abdullah nâm sagīr oğlunun ve Rukiye nâm sagīre kızının tesviye-i umûruna vasî lâzım olmağın, hâkim-i muvakkı‘-ı hâze’l-kitâb, sagīreyn-i mezbûreynin müteveffât-ı mezbûre analarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin hâmil-i hâze’l-kitâb Mehmed Çelebi b. Ahmed nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-âşir min-Muharremi’l-harâm li-sene erba‘a ve semânîn ve elf. Şuhûdü’l-hâl: İvaz Beşe b. Ahmed, Himmet Efendi b. İlyas, Ahmed b. Emrullah, Mehmed Çelebi b. Ahmed, Ali Bey b. Halil, Osman b. Ahmed