Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 192 Hüküm no: 104 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Reis’in borcunun, terekesinden fazla olması sebebiyle vasî tarafından evin satılıp alacaklılara verildiği Defter oldur ki Mahmiye-i Galata muzâfâtından kasaba-i Tophâneˈde Cihangir mahallesinde olup Cezîre-i İstanköyˈde ticâret üzre iken düyûnu terekesinden ezyed olduğu hâlde fevt olan Ahmed Reisˈin verâseti zevce-i metrûkesi Ümmühani bt. el-Hâc Ali ile vâlidesi Aynî bt. Mustafaˈya ve li-ebeveyn er karındaşı Mehmed Beşe ve kız karındaşları Havva ve Emineˈye münhasıra oldukdan sona müteveffâ-yı mezbûrun mahalle-i mezbûrede vâki‘ ma‘lûmüˈl-hudûd veˈl-müştemilât ancak bir mülk menzilden gayrı ism-i mâl ıtlâk olunup muhallefâtı olmadığından menzil-i mezbûr kasaba-i mezbûrede Pilavazoğlu Vakfıˈna olan yüz yirmi esedî guruş deyni mukābelesinde mütevellîsi Abdurrahman Efendi yedinde rehin olmağla menzil-i mezbûr verese-i mezbûre dâyinleri ve mütevellî-i merkūm ma‘rifetleriyle sûk-ı sultânîde hâssa münâdîlerinden Hüseyin Bey yediyle üç ay müzâyede olundukdan sonra yedi yüz guruş semen-i misline bey‘ olunup deyn-i mezkûr ile on sekiz guruş murâbaha-i şer‘iyesi ki cem‘an yüz otuz sekiz guruş mütevellî-i merkūma edâ olundukdan sonra verese-i mezbûrenin vekîl-i şer‘îleri Hüseyin Bey yedinde bâkī kalan meblağdır ki zikrolunur. Hurrire fiˈl-hâmis min-Saferiˈl-hayr li-sene erba‘a ve semânîn ve elf. Menzil-i mezbûr kıymetinden bâkī kalan esedî guruş 562 fî 120 yekûn 67440 altmış yedi bin dört yüz kırk Minhâ Harc-ı defter 600 Kalemiye 200 Huddâmiye 100 İhzâriye 100 Dellâliye 1680 Nidâiye 100 Vekîl-i mezbûra cümle dâyinlere rızâlarıyla verilen ücret 1260 Yekûn 4040 dört bin kırkdır Sahhuˈl-bâkī 63400 altmış üç bin dört yüzdür Deyn-i müsbet liˈl-hâc Ali aniˈl-karz esedî 100, fî 120, yekûn 12000 Deyn-i müsbet li-Ali Çelebi aniˈl-karz esedî 15, fî 120, yekûn 1800, aniˈl-guremâ 1459 Deyn-i müsbet li-Osman Çelebi aniˈl-karz esedî 215, fî 120, yekûn 25800, aniˈl-guremâ 20725 Deyn-i müsbet li-Mehmed Beşe aniˈl-kefâlet esedî 154, fî 120, yekûn 18480, aniˈl-guremâ 14845 Mehr-i müeccel-i müsbet li-zevcetiˈl-mezbûre esedî 62, fî 120, yekûn 7440, aniˈl-guremâ 5952 Deyn-i müsbet li-Ömer Reis aniˈl-karz esedî 10, fî 120, yekûn 1200, aniˈl-guremâ 963 Deyn-i müsbet li-kara? el-Hâc Mustafa an bahâ-i seren esedî 26, fî 120, yekûn 3120, aniˈl-guremâ 2565 Deyn-i müsbet li-zevceti Ümmühani el-mezbûre veˈl-vârisi? aniˈl-merkūme aniˈl-karz aleˈs-seviy esedî 30, fî 120 yekûn 3600 aniˈl-guremâ 2880 Deyn-i müsbet li-Yagob Ermeni an-bahâ-i emti‘a-i mütenevvi‘a esedî 45, yekûn 5430, aniˈl-guremâ 4363