Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 220 Hüküm no: 133 Orijinal metin no: [30a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Hüseyin ve Ahmed adlı çocuklara nafaka takdir ettiği Kazâ-yı havâss-ı aliyye a‘mâlinden Küçükçekmece kasabasında sâkine iken bundan akdem vefât eden Âişe Hatun bt. Hüseyin nâm hatunun Hüseyin ve Ahmed ibneyn Süleyman b. Abdullah nâm sagīreyn oğullarına müteveffât-ı mezbûreden müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını sagīreyn-i merkūmeynin hâlâ hacr ve terbiyesi altında bulundukları ceddeleri ve hâdineleri râfi‘atü hâze’l-kitâb Âdile Hatun bt. Kurd Ağa nâm hatun taleb etmeğin, hâkim-i askerî el-muvakkı‘-ı sadr-ı kitâb dahi sagīreyn-i merkūmeyne nafaka ve kisve-bahâ için mal-ı mûrisden zeylde mezkûr târihden külle yevm her birine altı akçe olmak üzere cem‘an râyicü’l-vakt on iki akçe farz ve takdîr edip vakt-i zarûretde istidâne ve hîn-i zaferde rücû‘a mezkûre Âdile Hatun’a izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâdî aşere min-Zilhicceti’ş-şerîfe li-sene selâse ve semânîn ve elf. Şuhûdü’l-hâl: Fahrü’l-akrân Mehmed Ağa b. Mustafa, İbrahim b. Ali el-müezzin, Ali Bey b. Halil, Hüseyin b. Ali, Ahmed b. Osman