Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 226 Hüküm no: 135 Orijinal metin no: [31a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arpacızâde Mustafa Efendi’nin terekesinin beytülmala kaldığı Defter oldur ki Mahmiye-i İstanbulˈda Eskioda başında Kādıasker Hamamı kurbünde sâkin olup hâlâ Edirneˈde haraç muhâsebesi halîfesi iken fevt olan Arpacızâde Mustafa Efendiˈnin zâhirde vâris-i maʽrûfu olmayıp terekesi beytü’l-mâle râciʽ olmağla hâlâ mahrûse-i Galataˈda kalafat yerinde merbûte olan on sekiz arşın sefîne ve dört demir ve bir komne ve bir isparçinenin on altı sehimden altı sehmi müteveffâ-yı mezbûrun olmağla hâlâ mahrûse-i mezbûrede emîn-i beytü’l-mâl olan el-Hâc Osman Ağaˈnın biˈl-emâneti zikrolunan altı sehmi hisse-i sefîneyi beyʽ edip kabz eylediği meblağdır ki zikrolunur. Fiˈs-sâbiʽ veˈl-işrîn min-şehri Rebîʽiˈl-evvel li-sene erbaʽa ve semânîn ve elf. Altı sehim sefîne ve dört demir ve bir komne ve bir isparçine 4500 dört bin beş yüz Minhâ Resm-i âdî 222 Kassâmiye 24 Kalemiye, huddâmiye, ihzâriye 24 Dîdebâniye 450 Müjde 200 Dellâliye 90 Nidâ’iye 45 Yekûn 1050 Sahhuˈl-bâkī 3450 beytülemînü’l-mezbûr