Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 245 Hüküm no: 145 Orijinal metin no: [34a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Ayşe adlı küçüğe vasî atadığı Mahmiye-i Galata muzâfâtından dâhil-i kal‘a-i Boğazkesen’de sâkine iken bundan akdem vefât eden Fâtıma bt. Receb nâm hatunun Âişe nâm sagīre kızının tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīre-i mezbûrenin müteveffât-ı mezbûre anasından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb Hasan Bey b. Mehmed nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâbi‘ min-şehri Rebî‘i’l-âhir li-sene erba‘a ve semânîn ve elf. Şuhûdü’l-hâl: Mustafa Ağa b. Hüseyin Kethudâ, Ahmed Ağa b. Seydi, Ahmed Çelebi b. Mustafa, Hüseyin Çelebi b. Kasım, Süleyman Çelebi b. İsmail