Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 259 Hüküm no: 155 Orijinal metin no: [36a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babaları ölen üç çocuğa vasî atandığı Mahmiye-i Galata tevâbi‘inden Tophâne mahallâtından Firuzağa mahallesinde sâkin iken bundan akdem vefât eden Abdurrahman Çelebi’nin Abdullah, Abdurrahman ve Âişe nâm evlâd-ı sıgārının tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sıgār-ı mezbûrînin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin hâmile-i hâzihi’l-vesîka Havva bt. Nurullah nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-hâmis ve’l-işrîn min-şehri Rebî‘i’l-âhir li-sene erba‘a ve semânîn ve elf. Şuhûdü’l-hâl: Şaban Efendi b. Hüseyin, Mustafa Ağa b. Ahmed, Hüseyin Bey b. Abdullah, Mustafa Ağa b. Osman, Osman Çelebi b. Ahmed, Murtaza Bey b. Abdullah