Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 262 Hüküm no: 158 Orijinal metin no: [36b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen İsmail adlı çocuğa vasî atadığı Mahmiye-i Galata tevâbi‘inden Tophâne mahallâtından Firuzağa mahallesinde sâkin iken bundan akdem vefât eden Osman nâm kimsenin İsmail b. Osman nâm sagīr oğlunun tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûrun müteveffâ-yı mezbûr babasından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin mahmiye-i Üsküdar mahallâtından Yeniçeşme mahallesi sükkânından hâmile-i hâzihi’l-vesîka Emetullah bt. Arslan nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sânî ve’l-işrîn min-şehri Rebî‘i’l-âhir li-sene erba‘a ve semânîn ve elf. Şuhûdü’l-hâl: Hacı Efendi b. Hasan, Siyavuş b. Abdullah, Ali Bey b. Halil, Hüseyin Çelebi b. Ali, Ahmed b. Osman