Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 283 Hüküm no: 175 Orijinal metin no: [40b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen üç çocuğa nafaka takdir ettiği Mahmiye-i Galata tevâbi‘inden Tophâne mahallâtından Firuzağa mahallesinde sâkin iken bundan akdem vefât eden Abdurrahman Çelebi’nin Abdullah, Abdurrahim ve Âişe nâm evlâd-ı sıgārına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını anaları ve hâdineleri hâmile-i hâze’l-kitâb Havva Hatun bt. Yusuf taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sıgār-ı mezbûrîne nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt on beş akçe farz ve takdîr edip meblağ-ı mefrûzu sıgār-ı mezkûrînin havâicine sarfa ve vakt-i zarûretde istidâne ve hîn-i zaferde rücû‘a mezkûre Havva Hatun’a izin birle mâ-vaka‘a biˈt-taleb ketb olundu. Cerâ zâlike ve hurrire fi’l-hâmis ve’l-işrîn min-şehri Rebî‘i’l-âhir li-sene 84. Şuhûdü’l-hâl: Şaban Efendi b. Hüseyin, Mustafa Ağa b. Ahmed, Ali Ağa b. Ahmed, Hüseyin Bey b. Abdullah, Mustafa Çelebi b. Mansur, Abdullah Efendi b. Mahmud, Hüseyin Bey b. Ali