Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 291 Hüküm no: 186 Orijinal metin no: [43a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Ahmed Bey’in çocuklarına, babası Ali Çelebi’nin vasî tayin edildiği Mahmiye-i Galataˈya tâbi‘ kasaba-i Kasımpaşaˈda Kādı Mehmed Efendi mahallesinde sâkin iken bundan akdem müteveffâ olan Ahmed Bey el-merhûm Şâmîzâde Ali Kethudâˈnın li-üm er karındaşları Osman ile kezâlik kız karındaşları Âişe ve Havva nâm sagīrlerin karındaşları müteveffâ-yı mezbûr Ahmed Beyˈden kendilere musâb ve müntakil emvâllerini hıfz içün bir vasî nasbına dahi lâ-büd ve lâzım olmağın merkūmunun babaları işbu hâfızüˈl-kitâb Ali Çelebi b. Osman nâm kimesne münâsib olup bir vechile vesâyet uhdesinden gelmeğe kādir ve vesâyete sezâ olduğunu mahalle ahâlîsinden olan sıkāt-ı Müslimîn haber vermekle hâkim-i muvakki‘-i sadr-ı kitâb tûbâ-lehû ve hüsnü-meâb mezbûr Ali Çelebi ber-vech-i muharrer üzre evlâd-ı sıgār-ı mezbûrun üzerlerine vasî nasb ve ta‘yîn ettikde ol dahi vesâyet-i mezbûreyi kabûl ve hizmet-i lâzımesini edâya ta‘ahhüd etmeğin mâ vaka‘a biˈt-taleb ketb olundu. Fiˈl-hâmis-i aşer min-Cumâdelûlâ li-sene erba‘a ve semân ve elf. Şuhûdüˈl-hâl: Bayram Çelebi b. Veli, el-Hâc Hasan b. Mehmed, Ahmed Halîfe b. İsa, Mustafa b. Receb