Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 295 Hüküm no: 189 Orijinal metin no: [43b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen üç çocuğa vasî ve vasî üzerine nâzır atadığı Mahmiye-i Galata muzâfâtından Kasımpaşa mahallâtından Tahtakādı mahallesinde sâkin iken bundan akdem vefât eden Attar Ahmed Çelebi b. Mehmed’in Mehmed, Sâliha ve Fâtıma nâm evlâd-ı sıgārının tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sıgār-ı mezbûrînin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin hâmil-i hâze’l-kitâb Hüseyin Beşe b. Mustafa nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Hâkim-i mûmâ-ileyh sonra Ahmed Ağa b. Mustafa’yı vasîyy-i mezbûr Hüseyin Beşe üzerine nâzır-ı hasbî nasb etti ki, [44a] vasîyy-i merkūm umûr-i vesâyete nâzır-ı mezkûrun ma‘rifeti olmadan mübâşeret etmeye. Cerâ zâlike ve hurrire fi’l-hâmis aşere min-Cumâdelûlâ li-sene erba‘a ve semânîn ve elf. Şuhûdü’l-hâl: Ömer Efendi el-imâm, Mehmed Efendi b. Halil, es-Seyyid Nimetullah Efendi b. el-Hâc Hasan, Mehmed Çelebi b. el-Hâc Mehmed, Abdülbaki Çelebi b. el-Hâc Mehmed