Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 337 Hüküm no: 219 Orijinal metin no: [50b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Beytülmal emini Mustafa Ağa’nın, merhum Mustafa’nın küçük oğlunun ölümü üzerine terekesini vasîden teslimaldığı Biˈl-fi‘il Dergâh-ı âlî yeniçerileri beytü’l-mâl emîni olan fahrüˈl-akrân Mustafa Ağa b. İsmail meclis-i şer‘-i hatîr-i lâzımüˈt-tevkīrde mahmiye-i Galata hâricinde kasaba-i Kasımpaşaˈda Bedreddin Bey mahallesinde sâkin iken bundan akdem vefât eden Mustafa b. Rasûl Beşe nâm sagīrin tesviye-i umûriçün kıbel-i şer‘den mansûb vasîsi olmağla muhallefâtına vâzi‘uˈl-yed olan işbu sahib-i ( ) Hasan Çelebi b. Musa mahzarında ikrâr ve takrîr-i kelâm edip sagīr-i mezbûr fevt olup zâhirde vâris-i ma‘rûfu olmayıp terekesi beytü’l-mâle â’id olmağın ben dahi emânetim hasebiyle mezbûr Hasan Çelebiˈden mukaddemâ da‘vâ ve taleb etmişidim elhâletü hâzihî hâkim-i muvakki‘-i sadr-ı sahîfe huzûrunda vasî-i mezbûr ber-mûceb-i defter makbûzu bana tamamen def‘ ve teslîm edip ve bin seksen iki senesi Ramazanıˈnda târih-i kitâb senesi Cumâdelâhiresi gurresine değin bana yevmî beş akçeden yirmi bir ayda müctemi‘ sagīr-i mezbûrun nafaka-i mefrûzası olan üç bin yüz elli akçeyi kendisi muhallefât-ı mezkûreden tamamen ahz ü kabz eyledi dedikde gıbbeˈt-tasdîkiˈş-şer‘î mâ vaka‘a biˈt-taleb ketb olundu. Fiˈl-yevmiˈl-âşir min-Cumâdelâhir li-sene erba‘a ve semânîn ve elf. Şuhûdüˈl-hâl: Abdullah Efendi b. Mustafa, Mehmed Çelebi b. Ali, Şa‘bân b. Ramazan, el-Hâc Ahmed b. İbrahim