Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 338 Hüküm no: 220 Orijinal metin no: [51a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Fâtıma adlı küçüğe vasî atadığı Ceddesi bundan akdem mahmiye-i Galata tevâbi‘inden Tophâne mahallâtından Selime Hatun mahallesinde sâkine iken vefât eden Fâtıma bt. el-Hâc Ali nâm sagīrenin tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīre-i mezbûrenin müteveffât-ı mezbûre ceddesinden irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin mahmiye-i Galata tevâbi‘inden Tophâne mahallâtından Mustafa Ağa mahallesinde sâkin sahib-i hâze’l-kitâb Ali Efendi b. Himmet nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâdis min-Cumâdelâhire li-sene erba‘a ve semânîn ve elf. Şuhûdü’l-hâl: Abdülhalim Efendi el-kādî, Hacı Efendi b. Hasan Efendi, Çukadâr Osman Beşe, Ahmed el-muhzır, Hüseyin Çelebi b. Ali