Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 345 Hüküm no: 224 Orijinal metin no: [52a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babaları ölen Ahmed ve Mehmed adlı küçüklere hakim tarafından vasî atandığı Medîne-i Hazret-i Ebâ Eyyûb el-Ensârî mahallâtından Ahmed Dede mahallesinde sâkin iken bundan akdem vefât eden İbrahim Ağa’nın Ahmed ve Mehmed nâm sagīreyninin tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīreyn-i mezbûreynin müteveffâ-yı mezbûr babalarından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin sahibe-i hâze’l-kitâb Emine bt. Abdullah nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâdis min-Cumâdelûlâ li-sene erba‘a ve semânîn ve elf. Şuhûdü’l-hâl: Hasan Efendi b. Ramazan, Ahmed Çelebi b. el-Hâc Mehmed, Bayram Efendi b. Hüseyin el-müezzin, Mehmed Çelebi b. Ahmed, el-Hâc İbrahim Çelebi b. el-Hâc Mehmed