Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 345 Hüküm no: 225 Orijinal metin no: [52a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babaları ölen Ahmed ve Mehmed adlı küçüklere nafaka takdir edildiği Medîne-i Hazret-i Ebâ Eyyûb el-Ensârî mahallâtından Ahmed Dede mahallesinde sâkin iken bundan akdem vefât eden Çorbacı İbrahim Ağa’nın Ahmed ve Mehmed nâm sagīreynine müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, yine mahalle-i mezbûrede sâkine olananaları ve hâdineleri Emine bt. Abdullah taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīreyn-i mezkûreyne nafaka ve kisve-bahâ için mal-ı mûrisden zeylde mezkûr târihden külle yevm her birine râyicü’l-vakt beş akçe, cem‘an on akçe farz ve takdîr edip meblağ-ı mefrûzu sagīreyn-i mezbûreynin havâicine sarfa ve vakt-i zarûretde istidâne ve hîn-i zaferde rücû‘a mezbûre Emine hatuna izin birle mâ-vaka‘a biˈt-taleb ketb olundu. Cerâ zâlike ve hurrire fî-gurreti Cumâdelâhire li-sene erba‘a ve semânîn ve elf. Şuhûdü’l-hâl: Mâ-sebeka