Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 346 Hüküm no: 227 Orijinal metin no: [52b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Abdullah adlı çocuğa nafaka takdir ettiği Vilâyet-i Rumeli’nde vâki‘ İsmail Geçidi kasabasında ticâret vechi üzere iken vefât eden Mehmed Yazıcı nâm merhûmun Abdullah nâm sagīr oğluna müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını mahmiye-i Galata tevâbi‘inden Tophâne kasabası mahallâtından Tomtom mahallesinde sâkine olan anası ve hâdinesi râfi‘atü hâzel-kitâb Ümmühani Hatun bt. Yusuf taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīr-i mezkûra nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt on iki akçe farz ve takdîr edip meblağ-ı mefrûzu sagīr-i mezkûrun havâicine sarfa ve vakt-i zarûretde istidâne ve hîn-i zaferde rücû‘a mezbûre Ümmühani hatuna izin birle mâ-vaka‘a biˈt-taleb ketb olundu. Cerâ zâlike ve hurrire fi’l-âşir min-Cumâdelâhire li-sene erba‘a ve semânîn ve elf. Şuhûdü’l-hâl: el-Hâc İbrahim b. Mustafa, Abdullah Çelebi b. Abdurrahman, Fazlullah b. Ramazan, Yakub b. İbrahim, Üstâd Sinan b. Ali