Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 355 Hüküm no: 235 Orijinal metin no: [54a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen Fâtıma adlı kıza nafaka takdir ettiği Mahmiye-i Galata muzâfâtından Kasımpaşa kasabası mahallâtından Câmi‘-i kebîr mahallesinde sâkin iken bundan akdem vefât eden Receb Reis’in Fâtıma nâm sagīre kızına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, Eyüb mahallâtından Bey Mescidi mahallesinde sâkine olan halası ve hâdinesi Hadîce bt. Abdurrahman taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīre-i mezkûreye nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt yedi akçe farz ve takdîr edip meblağ-ı mefrûzu sagīre-i mezbûrenin havâicine sarfa ve vakt-i zarûretde istidâne ve hîn-i zaferde rücû‘a mezbûre Hadîce hatuna izin birle mâ-vaka‘a biˈt-taleb ketb olundu. Cerâ zâlike ve hurrire fî 3 min-Cumâdelâhire li-sene [1084]. Şuhûdü’l-hâl: Mehmed Bey b. Zünnûn, İvaz Beşe b. Ali, Hasan Çelebi, Hasan b. Ali