Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 375 Hüküm no: 253 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hazinedar İbrahim Çelebi, kızı Havva ve kardeşi Ahmed’in terekeleri Defter oldur ki Mahmiye-i Galataˈya tâbi‘ kasaba-i Tophâne min-Muhyiddin Efendi mahallesinde sâkine iken bundan akdem Yenişehirˈde vefât eden Hazînedâr İbrahim Çelebiˈnin sülbiye sagīre kızı Havva vefât eyleyip verâseti vâlidesi Emine bt. Mahmud nâm hatun ve li-ebeveyn er karındaşı Ahmedˈe münhasıra olduğu şer‘an mütehakkık olmağla babasından intikāl eden eşyâsı veresesi talebleriyle tahrîr ve defter olunup zikrolundu. Fiˈl-yevmiˈs-sâmin veˈl-işrîn min-Cumâdelâhire li-sene erba‘a ve semânîn ve elf. Yenişehirˈden muhrek gelip İstanbulˈda bey‘ olunan sîm bahâları ve mahlût semen ve guruş ve altın ve hâric-i ez defter menkūlât esmânı vâlidesi mezbûre üzerine almışdır 109320 yalnız bir yük dokuz bin üç yüz yirmi akçedir Mahalle-i mezbûrede sâkine oldukları hâl-i menzilde hissesi 7083 Yekûn 116403 Meblağ-ı mezbûrdan Havvaˈnın hissesi 33333 Yekûn 40416 Havvaˈnın mâlı menzilden hissesi iledir Minhâ Techîz ve tekfin 2500 Berâyı vesâir mesârif 1300 Sagīr-i mezbûrun sıhhatinde mesârifi 1000 Yekûn 4800 Sahhuˈl-bâkī 35616 Sagīre-i mezbûrenin vefâtından sonra müteveffâ-yı mezbûr İbrahim Çelebiˈden vâlidesi Güllü Hatunˈun yirmi iki esedî hisse payı kadar ihrâc ve yedine teslîmden sonra Sahhuˈl-bâkī 33016 [58b] Hissetüˈl-ümmüˈl-mezbûre Mineˈn-nakd veˈl-eşyâ 11555 Mineˈl-menzil 02361 Hissetüˈl-âhiˈl-merkūme mineˈn-nükūd veˈl-eşyâ 22010 yirmi iki bin on akçedir Mineˈl-menzil 4722 Ba‘dehû mezbûr Ahmed vefât eyleyip verâseti vâlidesi merkūme Emine Hatun ile li-ebeveyn ibn-i ammi vasiyesi Hüseyin Odabaşı b. Ali nâm râcile münhasıra olmağla mâ fiˈl-yed hisse-i mezkûre beyinlerinde taksîm olunup defter olunduğudur ki zikrolunur. Fiˈl-hâmis min-Recebiˈl-ferd li-senetiˈl-merkūme Yekûn 88676 Mâ fiˈl-yed mâl mineˈn-nükūd 66666 Mineˈl-menzil 04722 22010 Yalnız altmış yedi bin dokuz yüz yirmi akçedir Minhâ Berâ-yı techîz ve tekfîn 2500 İmâma verilen bedel-i sulh 1200 Resm-i kısmet vesâir mesârif 1300 Berâ-yı muhallefât 2200 Yekûn 7200 El-bâkī 61276 Hissetüˈl-ümmüˈl-merkūme 27158 yirmi yedi bin yüz elli sekiz akçedir Mineˈl-menzil 6294 Hissetüˈl-emînüˈl-kassâm Hüseyin Odabaşı 54386 Mineˈl-menzil 12588