Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 384 Hüküm no: 258 Orijinal metin no: [60a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Ahmed Beşe’nin terekesi Mahrûse-i Galata dâhilinde merhûm Sultân Bâyezid mahallesi sükkânından iken vefât edip verâseti vâlidesi Sâliha bt. Abdullahˈa ve li-ebeveyn karındaşları Mustafa ve Fatma ve Havvaˈya münhasıra olup kableˈl-kısme mezbûr Mustafa dahi vefât edip verâseti kezâlik vâlidesi merkūme Sâliha ile li-ebeveyn kız karındaşları mezbûretân Fatma ve Havvaˈya ve li-eb karındaşları Mehmed ve Hadiceˈye münhasıra olup kableˈl-iktisâm merkūme Fatma dahi fevt olup verâseti yine vâlidesi mezbûre Sâlihaˈya ve li-ebeveyn kız karındaşı mezkûre Havvaˈya ve li-eb karındaşı mezkûr Mehmed ile Hadiceˈye münhasıra olup kableˈl-kısme mesfûre Havva dahi vefât edip verâseti vâlidesi mezkûre Sâliha ile li-eb erkarındaşı Mehmedˈe ve li-eb kız karındaşı Hadiceˈye münhasıra olduğu bi-hasebiˈş-şer‘ mütehakkıka olan Ali b. Ahmed Beşeˈnin muhallefâtıdır ki bi-hükmiˈl-münâsahatiˈş-şer‘iye verese beyninde tevzî‘ ve taksîm olunduğu vech-i câ’î üzere zikrolunur. Fiˈl-yevmiˈl-hâmis veˈl-işrîn min-Cumâdelâhire li-sene erba‘a ve semânîn ve elf. Hisse-i müteveffâ-yı evvel Ali ber-mûceb-i defter-i sâbık Mineˈl-menzil 7779 Mineˈn-nakd 4416 12192 Hisse-i müteveffâ-yı sânî Mustafa ber-mûceb-i defter-i mezbûr Mineˈl-menzil 7776 Mineˈn-nakd 4419 Hisse-i müteveffâ-yı sâlis Fatma ber-mûceb-i defter Mineˈl-menzil 3888 Mineˈn-nakd 2208 6096 Hisse-i müteveffâ-yı râbi‘ Havva ber-mûceb-i defter Mineˈl-menzil 3888 Mineˈn-nakd 2208 6096 Mezbûr Mustafaˈnın babası muhallefâtından ba‘deˈl-isbât ahz ve yed-i vasîye 15404 Merkūmların ba‘deˈl-memât esvâblarından Arap çarşısında bey‘-ı sikke 1471 Babaları Ahmed Beşeˈnin vilâyet-i Trabzonˈda olan eşyâsı bahâsıdır 10725 Yekûn 64176 Minhâ Mustafa ve Ali ve Fatma ve Havvaˈnın techîz ve tekfînlerine sarf olunan meblağ 4880 Mezbûrenin hayatlarında bâ-hüccet-i nafaka sekiz ayda sarf olunan 4800 Resm-i âdî 600 Kassâmiye 200 Kalemiye 100 İhzâriye 100 Huddâmiye 100 Mesârif-i müteferrika 500 Deyn-i müsbet Ali Bey 2400 Deyn-i müsbet Sâlihaˈya 900 Deyn-i müsbet Murtazaˈya 5280 Yekûn 19960 [60b] Sahhuˈl-bâkī Mineˈn-nakd 20888 Mineˈl-menzil 23328 44216 Hissetüˈl-ümm Mineˈn-nakd 27952 Mineˈl-menzil 8822 Hisse-i Hadice Mineˈn-nakd 4310 Mineˈl-menzil 4818 Hissetüˈl-âhi Mineˈn-nakd 8620 Mineˈl-menzil 9631