Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 470 Hüküm no: 310 Orijinal metin no: [74a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Ali adlı çocuğa nafaka takdir ettiği Mahrûse-i Galata tevâbi‘inden Kasımpaşa kasabası mahallâtından Küçük Piyale Paşa mahallesinde sâkin iken bundan akdem vefât eden [İbrahim Bey] nâm kimsenin Ali nâm sagīr oğluna müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, bâisü’r-rakīm Mehmed Çelebi b. merhûm İbrahim Bey nâm vasîsi ve er-karındaşı taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīr-i mezkûra nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt on akçe farz ve takdîr edip meblağ-ı mefrûzu sagīr-i mezbûrun havâicine sarfa ve vakt-i zarûretde istidâne ve hîn-i zaferde rücû‘a mezbûr Mehmed Çelebi’ye izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâmis aşere min-şehri Şa‘bâni’l-mu‘azzam li-sene erba‘a ve semânîn ve elf. Şuhûdü’l-hâl: Mâ-sebeka