Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 471 Hüküm no: 312 Orijinal metin no: [74b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Raziye’nin, merhume kızı Ayşe’den intikal eden ev hissesini Mehmed Çelebi’ye sattığı Mahrûse-i Galata a‘mâlinden kasaba-i Kasımpaşaˈda Küçük Piyalepaşa mahallesi sâkinelerinden iken vefât eden Âişe bt. ( ) nâm hatunun verâseti vâlidesi Râziye bt. Abdullah nâm hatun ile sadrî sagīr oğlu Aliˈye münhasıra ve tashîh-i mes’eleleri altı sehimden i‘tibâr olunup sihâm-ı mezbûreden bir sehmi mezbûre Âişeˈye ve beşi dahi sagīr-i mezbûr Aliˈye isâbet ve intikāl eylediği bi-hasebiˈş-şer‘iˈş-şerîf müte‘ayyin ve zâhir oldukdan sonra mezkûre Râziye tarafından bey‘-ı âtiˈl-beyâna vekîli olup vekâleti zât-ı ma‘rifet-i şer‘iye ile ârifân olan İbrahim Çelebi b. Mustafa ve Kadri Çelebi b. Süleyman nâm kimesneler şehâdetleriyle sâbite olan Sarrâc Ali Çelebi meclis-i şer‘-i hatîr-i lâzımüˈt-tevkīrde râfi‘-i hâzeˈl-kitâb Mehmed Çelebi b. el-merhûm İbrahim Kapudan mahzarında biˈl-vekâle ikrâr ve takrîr-i kelâm müvekkilem mezbûre Râziye Hatunˈun sadrî kızı müteveffât-ı mezkûr Âişe Hatunˈdan biˈl-ırsiˈş-şer‘î defter-i kassâm-ı askerî nâtık olduğu vech üzere kendüye isâbet ve intikāl edip mahalle-i mezbûrede vâki‘ merhûm İbrahim Kapudanˈın zâtına intisâb ile tahdîd ve tavsîfden müstağnî menzilde olan südüs hisse-i şâyi‘asını mezbûr Mehmed Çelebiˈye iki bin sekiz yüz altmış akçeye biˈl-vekâle bey‘ ve teslîm ol dahi vech-i meşrûh üzere iştirâ ve tesellüm ve kabûl eylediğinden sonra semeni olan meblağ-ı mezbûru yedinden ahz u kabz eyledim min-ba‘d menzil-i mezkûrun müvekkilem merkūme Râziye Hatun içün vechen mineˈl-vücûh ve sebeben mineˈl-esbâb hak ve alâkası kalmadı dedikde gıbbeˈt-tasdîkiˈş-şer‘î mâ vaka‘a biˈt-taleb ketb olundu. Fî-evâhir-i şehr-i Şaʻbâniˈl-mu‘azzam li-sene erba‘a ve semânîn ve elf. Şuhûdüˈl-hâl: es-Sâbıkūn